Forest danin a huam tel lohramngaw humhalh dan rel

Forest danin a huam tel loh
ramngaw humhalh dan rel
Forest danin a huamloh ramngaw (non notified tree forest areas) chungchang ngaihtuah tura din District Level Committee Khawzawl an chairman, bawrhsap K Vanlalthiana kaihhruaiin Thawhtanni khan an thukhawm.
State Level Expert Commitee-in kum 1997 affidafit hmanga Supreme Court order phut avanga a lo thehluh tawh, ‘non notified tree forests’ ah Khawzawl district huamchhunga tuna an dinhmun zirchian bakah sawrkarin ala huam tir loh ramngaw humhalh tura rawtna awm thar enfiah dan tur sawiho a ni.
Hemi chungchangah hian Committee member-ten dan hnuaia ramngaw humhalh mek leh humhalh tura rawtna thar awm chu a hmuna enfiah a, mipui leh khawtlang hruaitute remtihna in State Expert Committee hnenah rawtna thlen nise, an ti a. Chawlhkar khat chhungin hetiang ram hi a awm chuan enfel vek nise, an ti bawk.
Khawzawl district-ah hian kum 1997 State Expert Committee-in affidavit hmanga Supreme Court hnena a lo thehluh tawh ‘non-notified tree forest’ zingah – Zawlnghak, Bualphung ngaw, Vankal ngaw leh Ngaizawl an tel a ni.
Thutkhawmah hian a kaihhnawih sawrkar official-te bakah Sub-Hqrs YMA Khawzawl leh District Village Council Association aiawh an tel.