Fox news ten thiamloh changin chawi

Fox News te chuan voting machine company Dominion tena kum 2020 US presidential election kaihhnawiha intihmingchhiatna thila an khinnaah remna an siampui thei ta.
Trial neih hma hun tepter takah Fox news te hian Dominion tena intihmingchhiatna tia zangnadawmna 1.6 billion dollar an phut atangin a zahve 787.5 million dollar pek an remti a ni.
Dominion te chuan Fox News tena dawtthu an puanchuaha thehdarh avangin an sumdawnna in a tuar hle tiin an sawi a. He inremna siam hmang hian Fox executive Rupert Murdoch te ang chu court ah a inlan a ngaihloh phah thung.
Fox te chuan tun hnaia US defamation trial a ngaihven hlawh bera inremna an siam thei chu lawmawm tiin ‘journalisttic standard sang ber kan kalpui zia pholanna’ tiin an sawi a.
Domnion chief exetutive John Paoulos chuan press conference a neih zuinaah Fox te chuan “dawt an thehdarh pawmin chumi avanga a compnay tena an tawrhna nasa tak chu an pawm” tiin a sawi a.
Justin Nelson, Dominion attorney chuan reporter te hnenah ‘Thudik a pawimawh ber’ tiin a sawi a. “Dawt chuan nghawng a nei thin” tia sawiin, “Tun hnai kum hnih chhungin dawt nasa tak hmangin Dominion leh election official ten dawt nasa taka beihna tawkin conspiracy theory hrang hrang te awm phahin chu chuan Dominion mai bakah ram hmel a tichhe hle a ni” tiin a sawi.
Nelson chuan ‘democracy tundin a nih nan’ America chuan ‘thudik chauh a buaipui tur a ni’ tiin a sawi bawk.
Thubuaiah inremna a awm theih nan inbakna neih reng a ni a, a tirah chuan Fox te chuan zangnadawmna $1.6 billion chu sang lutukah an ngai bawk a ni.
Dominion tena lawsuit an thehluhah conservative network Fox te chuan kum 2020 presidential election chu dik lo taka President Donald Trump chhuhsaka puangchhuakah an puh tiin an tarlang a. ‘
Hetianga Fox tena dik lo tak an tihna chhan hi Fox News te bawkin Arizona state inthlanah Democrats Joe Biden an chakna a chang tih an puan avanga an viewers te lungawilo thawi dam nana an hman tiin tarlan a ni bawk.