Mipa double lamah Indian pair Saketh Myneni leh Yuki Bhambri inkawp chuan 2nd round lut fel tawhin, Nilaini khan Indian tennis veteran Rohan Bopanna leh a Australian partner Matthew Ebden tangdun erawh Roland Garros-a an bultannaah an tla nghal thung.
Sixth-seeded Indo-Australian pair hi tualchhung tlangval pahnih inkawp Sadio Doumbia leh Fabien Reboul chuan darkar khat leh minute 39 chhungin 7-5, 7(7)-6(5)-in an vaw tla.
Paris tournament liana mipa double khel Indian dang Bhambri leh Myneni thawkdun chuan tualchhung mi wildcard pair Arthur Rinderknech leh Enzo Couacaud tangdun lakah 6-3, 6-2-in an chak a, nuamsain second round an lut phawt.
Indian team hian round hnihna lamah world No. 20 Santiago Gonzalez of Mexico leh French Open men’s doubles champion pawh lo ni tawh Edouard Roger-Vasselin of France an tum leh ang.
Indian pair dang N Sriram Balaji leh Jeevan Nedunche-zhiyan erawh first round inkhel dangah Australian pair Ilya Ivashka leh Alexei Popyrin chuan 6-3, 6-4-in an hneh thung.
A hmei-a-pa sawi loa singles category lama India player inlan awmchhun Ankita Raina pawh a tlo lo a, Japanese world No. 145 Moyuka Uchijima chuan Asian Games bronze medalist hi straight games hmangin a hnawhchhuak.
French Open-a Indian inlante dinhmun
Get real time updates directly on you device, subscribe now.
Prev Post
Next Post