French Open semi paltlang zo lo Bopanna-Ebden

French Open men’s doubles title la thei tura beisei zinga mi Rohan Bopanna leh a Australian kawppui Matthew Ebden-te chuan nimin semi-final match-ah Italian pair Simone Bolelli leh Andrea Vavassori inkawp an ngam lo a, second seeded Indo-Australian pair hi 5-7, 6-2, 2-6-in 11th seeded Italians lakah an tlawm.
First round-ah khan Australian Open champions Bopanna leh Eden hian Brazilian pair Marcelo Zormann leh Orlando Luz lakah inkhel hautak paltlang hramin, a hnuah Indo-Italian pair N. Sriram Balaji leh Miguel Ángel Reyes-Varela an hneh a; quarter-final lamah Bopanna-te thiandun hian Belgian pair Sander Gille leh Joran Vliegen hneh lehin, semi-final pawh hi harsatna lian tawk loa paltlang leh thei tura beisei an nih laiin Italian thiandun lakah an tlang zo ta lo a ni.
Bopanna leh Ebden tangdun hi kum khat chhunga grand slam tournament hmasabera an champion tawh bakah kumin vek hian Miami Masters trophy an lo hawn tawh bawk a ni.