Futui thatna

On Jul 6, 2024 28 0

Futui hi taksa hriselna atan thatna a nei tih chu tlang rindan a ni a, mahse, eng atan nge a that tih erawh kan hre tam vak lo a, a thatna ni a kan sawi thenkhat te pawh rinthu deuh te a ni thin. Tun tumah hian Times of India health section-in futui thatna ni a sawite kan rawn tarlang e.
1. Hrawkna (sore throat) tan a tha. Futui-ah sertui tlem leh chi tlem telh la, chu chu in rawh. Hei hi hritlang avanga hrawkna leh hrawk zâ atan a tha. Vitamin C leh antioxidant a pai hnem a, chu chuan bacterial infection a beilet thei a ni.
2. Futui hian healing properties a nei a, chu chu naupang kaih thin tan a tha a, hei bakah hian khawsik sang tan a tha bawk. Futui hian kan taksa tan protein a siam thei bawk.
3. Thin tan a tha. Futui hian thin (liver) hnathawh a tichak thei a, kan taksaah glucose thachi level a tisang thei bawk a, chu chuan thin tha lo nei te dam lehna kawngah a pui thei. Hei bakah hian taksa-ah electrolyte balance a siam a, chu chu thin-in hna tha taka a thawh theih nan a pawimawh hle a ni.
4. Stress tan a tha. Futui hian hormone balance a siam thei a, zan mut lama harsatna nei, insomnia neite tan pawh futui in tam a tha, Futui-ah hian tryptophan leh amono acid a awm a, chu chuan kan stress level a tihniam thei.
5. Ha tan a tha. Ha nget tur a veng thei a, ka chhung rimchhia a tiziaawm thei bawk. Minerals a pai hnem a, chu chuan ha nget tur a veng a, ka chhung rimchhe tur a tiziaawm thei bawk. Calcium leh phosphorus a pai hnem a, chu chuan ha enamel a tichak thei.
6. Vun tan a tha. Futui chu vun tana chaw tha tak a ni a, min tiupa hartu a ni. Anti-oxidizing agent a ni a, flavaboids leh phenloic compound a pai a, heng te hi vun hriselna leh lan upat harna a ni a, vun a tihnawng a, a ti-êng thei bawk. Alpha Hydroxy Acids (AHAs) a pai hnem a, hei hi vun tana chaw tha niin, arngeng avanga buai thin tan pawh a tha. Futui-in i vun chulh la, dah ro la, chumi hnuah silfai leh la, i vun chu a lang êng deuh sawt thei ang.
7. Rihna tihniam tum tan a tha. Futui hian taksa-a cholesterol chhe chi level a tihniam thei a, tihna paih tumte a pui thei bawk. Soluble fibre a pai hnem a, chu chu rihna tihniam tumte tan a tangkai.
8. Digestion atan a tha. Futui-ah hian potassium a tam a, chu chu kan digestive system tan a tha hle a, pum nuam lo tih deuh teuh teuh nei thin leh, ek khal leh khawpuar vanga buai thin tan a tha.