G-Dragon release comeback single ‘POWER’ Kum sarih hnua a single hmasa ber, Indie Label EMPIRE nen

On Nov 1, 2024 13 0

G-Dragon pawh rimawi khawvelah a rawn let leh lehin, a single thar a rawn tichhuak e.
K-pop icon tana kum sarih hnua a single hmasa ber chu ‘Power’ tih a ni. He track hi nimin khan a tlangzarh a. A single thar hi a Korean agency Galaxy Corporation leh EMPIRE, independent record label nena an thawhhona thar hnuaia a tihchhuah a ni.
Billboard chart lamah pawh rawn tiche thut leh thei turin G-Dragon chuan inrintawk takin, a single tharah chuan, “Guess who’s back/It’s your boy, GD!” tiin hip-hop-infuse, high-energy anthem nen a rawn kick-off a. A comeback single hi Tommy ‘TTB Hits’ Brown, Theron Thomas leh Steven Franks te nena an ziahho a ni.
“’POWER’ hian music thupui ber a lantir a ni,’ tiin G-Dragon chuan thuchhuak a rawn siam nghal bawk a. “Music hmangin ka rilru ka sawi chhuak thin. Hei hian hun thar a intan a, ka music ngaithlatute pawh ka fuih ka beisei,” a ti bawk.
Indie label EMPIRE nena thawhhona thar an nei hi Seoul superstar tan chuan zalenna thar a ni. Nikum khan, kum 20 chhung tehmeuh a record label YG Entertainment nen an thawhhona an titawp a. YG Entertainment hi Blackpink, Treasure leh babymonster te label awmna a ni.
YG-a a awm chhung hian G-Dragon hian BIGBANG a kaihruai a, K-pop act zingah Korean tawnga album Billboard 200-a lanpui hmasa ber a ni. Billboard 200-ah pawh solo entry pathum a nei tawh a, kum eng emaw zat chhung chu K-pop soloist zingah nei tam ber niin record a vawng reng a. Tunah chuan BTS member RM leh J-Hope te nen record hi an intawm mek a ni.
A music career-ah hian Diplo, Missy Elliot, Sky Ferreira, Skrillex leh M.I.A. te nen thawhhona a neih bakah kum 2023-a Elvis soundtrack-a placement a neih bakah G-Dragon hian a streetwear brand hmangin PEACEMINUSONE bakah Chanel leh Nike te nena an thawhdunna hnuaiah fashion leh art khawvelah a hlawhtling hle.
Hetih lai hian, K-pop King hian Nov. 23 khian Japan-a MAMA Awards neih turah a zai dawn a, kum sawm dawn chhunga K-pop awards show lar taka a zai lehna hmasa ber tur a ni. Tun thla tir lam khan, Billboard pawhin Tencent Music Entertainment Group chuan Galaxy Corporation nen thawhhona neihpuiin, G-Dragon hi tour an neihpui dawn nia sawi a ni bawk.