GAC Fest hmang mek

GAC Fest hmang mek
Govt. Aizawl College chuan Thawhtanni khan an college hmunah ‘GAC Fest 2025’ an hmang a. Vigilance Awareness Week thutiam chhamrual a ni bawk.
Hmanpuitu minister Prof. Lalnilawma chuan, zirna a pawimawh rualin kawng tinrenga hmasawnna a pawimawh tih a sawi a. GAC Fest pawh rilru, taksa, thlarau, midangte nena thawhho zirna leh midang tana luanchhuah programme tha tak a ni tih a sawi.
NEP 2020-in zirna kalphung thar a ken tel zinga hruaitu nih zirna leh harsatna sutkian dan zirna a sawi a taka hmanchhuahna remchang a nih ngei a beisei thu leh, FEST hi ngaihdan thar zawnchhuahna leh entrepreneur thar hmuhchhuahna atan programme pawimawh tak a nih thu a sawi bawk.
Fest-ah hian dawr 32 pho chhuah niin, a tam zawk hi zirlaiten an thiamthil leh theihna an phochhuahna a ni a, October 28 thleng neih tur a ni.