Gandhi-i’n Congress hqrs thar hawng

Gandhi-i’n Congress hqrs thar hawng
Congress Parliamentary Party chief Sonia Gandhi chuan 9A, Kotla Road-a an party headquarters thar chu Nilaini khan a hawng a. Hei hi grand old party-in kum 47 chhung zet 24, Akbar Road an lo luah tawh insawnna tur a nih avangin thil hlu tak a ni.
Congress president Mallikarjun Kharge, party chief hlui Rahul Gandhi, Congress general secretary Priyanka Gandhi Vadra leh K C Venugopal bakah an hruaitu pawimawh tak takte an tel.
Party hruaitute hian an headquarters tharah hian hnam puanzar an zar a, Vande Matram leh national anthem an sa bawk.
Gandhi-i hian building thar a hawn hma hian Kharge chu sawm chhuakin a luhna tura ribbon an chep chat dun.
“Tun hi hma lam pan leh thil thar nena kal hun a ni,” tiin AICC general secretary, organisation, Venugopal chuan a sawi a, Indira Gandhi Bhawan hi Gandhi-i Congress chief a nih hun laia sak tan a ni.
“9A, Kotla Road, New Delhi-ah Indira Gandhi Bhawan hi awmin party leh hruaitute mamawh ang dah a ni a, inawpna atana tum tun lai thiamna hmanruate chhawp a ni a, changtlung taka tih a ni,” a ti.
“He building thar hian Congress party hian hmathlir thui tak a nei a, thil hluite zah tak chungin a kal a, India tan politics leh vantlang nunah thil tam tak a nei tih a lantir a ni,” tiin a sawi.
Party hian tuna an awm mekna, 24, Akbar Road pisa chu an chhuahsan dawn lo va, he hmun hi Congress (I) din a nih, kum 1978 atang khan an luah tan kha a ni a. An cell thenkhat an la awm zui zel ang.
AICC headquarters sak hna hi Congress-in sorkar laipuia thuneihna an chan loh atangin a sak hna a muang hle a. BJP pawhin an party headquarters hlui, 11, Ashoka Road chu chhuahsanin Deendayal Upadhyay Marg-ah an insawn hnai.
Congress hian tun lai mil hmun changkang leh zau zawk an mamawh em em rualin rei tak an lo awm tawhna, 24, Akbar Road nen hian rei tak hnuhma an lo neih tawh avangin an tan chuan a hlu hle a ni.
Akbar Road bungalow hi Viceroy Lord Linlithgow-a executive council member thin, Sir Reginald Maxwell-a pawhin a lo luah tawh thin a. Aung San Suu Kyi-i pawh kum 1961 khan a tleirawl laiin a nu kha ambassador to India a nih laiin a lo awm tawh thin bawk.
Congress tan chuan an pisa a ni satliah lo va, a hlu tak zet a; a kawt a zau nuam a, Congress president pasarih zet a lo hrawn tawh.