Gaza-ah sawi hlawh dan hmangin puihna sem hna tan

Gaza-ah sawi hlawh dan hmangin puihna sem hna tan
US leh Israel ramten an puih, tanpuina thil semtu pawl sawi hlawh tak chuan Gaza-ah hna an thawk tan.
Gaza Humanitarian Foundation hian Thawhtanni khan hmun himah ei tur lorry phur tam tak an dawn thu leh a sem darh hna an thawk tan tih an sawi a. Palestinian tam takin Thawhlehni khan chhim lama Rafah khawpuiah ei tur an la hlawm .
GHF hian American security contractor-ten hmangin Gaza-a mi maktaduai 2.1-te puih hna thawktu ber, UN-in an thawh ngai lo tura thawk tura tih an ni a. Israeli-ten chawlhkar 11 kawng an dan hnua an hawn hnuah puihna thil a lut tan a ni.
UN thupuangtu chuan ei tur sem dan chu ‘mamawh tak hnen thlen lohna’ a nih thu sawiin Israel chu ramri kânna zawng zawng hawng turin a ti bawk.
UN leh tanpuitu pawl tam tak chuan GHF hi thawhpui an duh lo va, an chet dan chu mihring nihphung lo nia sawiin ‘tanpuina chu ralthuama hman tumna’ niin an sawi.
An kal dan chu mi tam tak baihvaia siam theihna, mi tam tak tina thei, politics leh sipaiin tum nei rana mi a puihna leh tun hma lama khawvel hmun danga kalpui tawh thinah pawh tha lo a nih thu an sawi.
Israel erawh chuan tuna an kalpui dan thar hi Hamas-ten puihna thil an ruk lohna tur a nih thu an sawi thung.
Thawhtanni zan khan GHF hian thuchhuah siamin ‘Gaza-ah hna an tan’ tih an sawi a, ‘ei tur truck phur eng emaw zat Secure Distribution Site-ah thleng tawhin Gazan-te hnenah an sem tan’ niin an sawi.
“Truck dang pawh a lo thlen belh zel dawn a, ni tin puihna kal vel hi a pung zel dawn,” an ti.
Thawhlehni khan Israeli sipaite pawhin Rafah daia Tal al-Sultan leh Gaza hmun dang nena daidangtu, Morag Corridor-a puihna sem chhuahna hmunah hna thawh tan a nih thu leh chhungkaw sang tam tak hnenah ei tur sem a nih thu an sawi.
Tal al-Sultan-ah hian Palestinian tam tak intlar pawh thlalakah langin Palestinian worker-ten an sem hlawm.
Puihna semna hmun thleng phak lo Palestinian tam tak pawh an awm a. Khan Younis-a awm pakhat pawhin GHF hmun atanga puihna la turin Israeli sipaite kal kân ngaihna a awm lo niin a sawi.
GHF-in hna an thawh dan chungchangah hian UN Office for the Co-ordination of Humanitarian Affairs (OCHA) thupuangtu, Jens Laerke-a chuan, “A hmaa kan lo sawi tawh avang khan kan tel ve dawn lo,” a ti.
GHF-in an ruahman dan chuan Palestinian-te hian Gaza chhim leh lailia distribution site pali atangin bawm, a chhunga ei tur leh hriselna atana pawimawh thil dah an la zel ang.
A hmun hi American contractor-ten vengin Israeli sipaiten an hual bawk ang. Dawng tur chuan Palestinian-te hian endikna tam tak an paltlang a ngai dawn a ni.
Israel hian Gaza-a puihna lut thin hi March 2 atang khan a dang a. Tun hnaiah tlem hawngin lorry 665 an luhtir leh tawh.