Phone-in Modi-a leh French president inbia Prime Minister Naren

Modi-a chuan French President Emmanuel Macron-a biain Asia khawthlang dinhmun a sawipui a, hruaitu pahnihte chuan Strait of Hormuz-a himna leh zalen taka lawng a kal theihna siam vat a tul thu an sawi.
Macron-a nena telephone-a an inbiak thu hi X-a Prime Minister Modi-a chuan Ningani khan tar langin, “He bial leh a chhehvela remna leh muanna tihhmasawn nan kan thawhhona tha tak chu kan chhunzawm zel dawn a ni,” a ti.
March 5 khan Modi-a leh Macrona hi phone-in an lo inbe tawh bawk a, Asia khawthlanga thil awm dan inthlak danglam zel chungchangah an ‘ngaihdan an inhrilh tawn’ a, inbiakna leh palai intiara indawr a tul thu an sawi dun a ni.
Asia khawthlanga indona leh buaina hian ni 50 dawn a awh tawh a ni.
“Ka thian duh tak President Emmanuel Macron-a hnen atangin phone call ka dawng. Asia khawthlang dinhmun kan sawi dun a, Strait of Hormuz-a himna leh zalenna siam that a tul thu kan sawi dun a ni,” a ti.
Prime Minister Modi-a chuan post-ah, “He bial leh a chhehvela remna leh muanna a awm theih nan kan thawhdunna tha tak chu kan chhunzawm zel dawn a ni,” a ti.
Modi-a hi Macron-a nen phone-a an inbiak hma hian US President Donald Trump-a nen pawh phone thova inbiain Asia khawthlang boruak an sawi dun tawh bawk.