Gaza hmar lamah mi 90 chuang boral tawha rin a ni
Israel in Gaza hmar lam Beit Lahia khawpui a beihna hnuah mi 93 chuang chin hriat loh a an awm thu Hamas enkawl health ministry chuan a sawi a, heng mite hi an thi nge an dam tih pawh a la hriat theih loh thu an sawi.
Israel sipaiten beihpui an thlak chungchangah hian Israel sorkar chuan engmah a la sawi lo a, Hamas te chu an inzawmkhawm that leh nasat avanga bei an nih thu chauh a sawi thung.
Kar hnih liamta chhung khan Israel Defence Forces (IDF) te hian Gaza hmar lam, a bikin Jabalia, Beit Lahia leh Beit Hanoun bialte bei nasa zualin, pawisawi lo tam takin an tuar nasa hle tawh a ni.
UN in tanpuitu pawl a din UNRWA chu Israel lam hian an rama lut lo tura a tih avangin UN mai bakah ram hrang hrangin an dem tan hle a, hei hian Gaza lama tanpuina pek chhuah kawngah pawh nasa taka nghawng duhawm lo a neih rinna a lian hle.
Israel hian khawvel media lian zawng zawng bakah, ram dang atanga media mi kalte reng reng chu Gaza-ah hian anmahni thua luh ngawt a phal lo a, hei vang hian chhiatna thlen dan dik tak pawh hi hriatthiam a har chho tan hle a, sawisel pawh an tawk na chho tan hle a ni.
Gaza hmar lamah mi 90 chuang boral tawha rin a ni
Get real time updates directly on you device, subscribe now.