Gelatin leh AK mu man

Mizoram Police leh Assam Rifles tangdun chuan Myanmar ramri bul Siaha district huamchhungah gelatine leh AK-47 mu bakah bomb siamna hmanraw dang an man.
Lungbun khaw bul Myanmar ramriah dan loa ralthuam chevel a awm thu dawn a nih angin October 8 chawhnu dar 2.00 vel khan 30 Assam Rifles leh Siaha Police tangdun chuan helai hmunah hian joint operation an nei a. Operation Team hian mi pahnih tihdin an tum a, tu tih hriat loh mi pahnih hi tlanchhiain Kolodyne lui kanin Myanmar ram lamah an tlanlut a ni. An ip (bag) ah lai an tlansan chhungah gelatine 100, detonator 100, AK-47 mu 150, wire (codex) metres 10, battery cell 10 hmuh a ni.