Billionaire investor George Soros an Indian business tycoon Gautam Adani an tun hnaia harsatna atawha stock market lama a chetbuai chuan ‘India ramah democratic revival’ thlenin Prime Minister Narendra Modi chuan ‘zawhna chhan tur a nei a ni’ tia a sawi chu ngai haw hle in Union Minister Smriti Irani chuan Indians te chu inlungrual tura ngenin ‘foreign mi ten India democractic kal danah inrawlh an tum’ tiin a sawi mauh.
Soros thusawi chu ‘India democracy tihchhiat tuma beihna’ tia sawiin Indians te chuan kan ram chhung inrelbawlnaa inhnamhnawih tumna te a lo hneh tawh thin a ti bawk a. “Indian tin ten George Soros hi a phutawk chhanletna pe turin ka ngen a ni” tiin a sawi bawk.
Senior Congress leader Jairam Ramesh chuan ‘George Soros nen inlaichinna engmah a awm lo’ tia sawi ve thungin Adani controversy chuan Congress, Opposition party leh India electoral process kal dan a zirin ‘democratic revival a thlen ang’ tiin a sawi ve thung a.
“PM nena inzawmna nei Adani scam hian Idnia ramah democratic revival a thlen dawn leh dawn loh chu Congress, Opposition party leh electoral process a innghat a ni. George Soros nena inzawmna nei a ni lo. Nehruvian legacy chuan Soros te ang in kan ram inthlanah eng danglamna mah an siam a remti ngai lo,” tiin a sawi.
Irani thung chuan billionaire Soros chu natak sawiselin ‘economic war criminal’ t hiala sawiin India chhiatna duh a tizui bawk a.
“He pa hian Bank of England talbuaiin a siam a, ram leh economic war criminal a ni a, tunah Indian demcoracy tihchiat leh a tum mek a ni. George Soros hi international entrepreneur, India ram tihbuaia tihchhiat tum leh duh a ni” tiin BJP leader Smriti Irani chuan a sawi bawk.
Heng ang mi te hian ram dang pawh tihchhiat tuma chetla tawhin an mihring duh ang zawng te thuneitua dah tum thin an ni tiin a sawi bawk a.
“A thusawi kal hmang atangin PM Modi te ang mi pawimawh ang te tihtlak nan one billion dollar chuang a thehchhuak ngam a ni,” tiin billionaire investor kum 1882 a Bank of England talbuai taka siam tu chuan a sawi.
“PM Modi hian tum tam sawisel a dawn theih thu sawiin mahse India tihchiat tumna chu a namnul dawn lo,” tiin Smriti Irani chuan a sawi bawk a. Tun hi ‘indona’ a ni a, PM Modi hi foreign power leh khua leh tui te inkar ding awm chhun a ni a ti bawk.
Union Minister Smriti Irani chuan political party te pawh Prime Minister Narendra Modi an beihna kawnga Soros thlawp tu ni lo turin a vau zui bawk a. “Political party te George Soros puiha kal an awm chuan Indian electorate ten an lailang ang,” tiin Irani chuan a sawi bawk.
George Soros thusawi BJP ten helh ngar ngar hle
Get real time updates directly on you device, subscribe now.