Nimin chhun khan Maruti Suzuki dealership GIG Motors chuan Edenthar-a Maruti Suzuki Arena showroom thar leh NEXA Service station thar, ITI, World Bank Road ami te chu an hawng ta.
Showroom thar hawngtu Dr. Sang-thankima, TNT founder chuan khuallian nih leh hunserh hmangtu nih a fawm a, GIG Motors chu midangte tan kawng hrang hranga malsawmna ni thina a hriat thu sawiin, chutiang chu ni zel turin duhsakna a hlan nghal a ni.
GIG Motors CEO John Lalpeka chuan a sumdawnna bul tan dan sawiin harsatna tam taka paltlang tih a sawi a, mahse, a tha zawnga thil thlir tlat thin a nih thu sawiin, harsatna an tawh chang pawhin nuam ti takin a hmachhawn thei zawk a, harsatna an tawh reng reng chu thl tha zawk herchhuahna tur ni a ngaih thin thu a sawi bawk.
GIG CEO hian accident acanga spinal cord sawh chhia, wheelchair tel lo va mahni a chesawn thei tawh a, mahse, chu a harsatna chu inbawih tir lo va eizawnna kawnga hlawhtling mek Lalnunthara chu a eizawnna kawnga hma a sawn zel theih nan Rs 1,00,000 a hlan nghal a ni.
GIG Motors hian August ni 23, 2017 atangin Maruti Suzuki dealership hi an thawk tan a, a tirah thawktu mi 50 nen bul an tan a, kum ruk chhungin thawktu hi mi 230 an tling der tawh a ni. Maruti Suzuki hi Mizoram-a lirthei hralh chhuaktu lian ber an ni a, Edenthar-a Arena Showroom service station bakah |huampuiah NEXA showroom leh ITI-ah NEXA Service, Chaltlang-ah Commercial Showroom leh Lunglei-ah showroom te neiin, huang an zauh nasa tawh hle a ni.
GIG Motors showroom leh NEXA service thar hawng
Get real time updates directly on you device, subscribe now.
Prev Post
Next Post