GoT Movie an siam
HBO serial, a vanglaia khawvel huapa serial ngaihven hlawh ber pawl ni thin, Game of Thrones a en leh theih dawn ta a, tun tum chu television lamah ni tawh lovin big screen-a en tur chiin, a movie an buaipui mek niin an tarlang.
GoT hi George RR Martin lehkhabu ziah ‘A Song of Ice and Fire’ series behchhana siam a ni a, tunah hian Warner Bros. Pictures-in film puitlinga chantir tumin hma an la mek a, tunah hian bul an la tan chauh a, chuvangin a changtu tur leh writer leh director turte pawh hriat theih a la ni lo. GoT movie hi a budget pawh a tê thei dawn lo va, dollar maktaduai 100 tel senna tur a ni dawn e.
GoT series hi 2011 atanga tanin, 2019 thleng HBO streaming platform-ah an tichhuak a, an chawlh deuh hnuah a chhunzawmna ang deuhin GoT hmalama thil thleng tarlanna House of Dragon an tichhuak leh tawh a, hei bakah hian 2025 atanga chhuak tan turin A Knight of the Seven Kingdoms an peihfel leh titih tawh bawk.
GoT Movie an siam
Get real time updates directly on you device, subscribe now.
Prev Post
Next Post