Mizoram EIACP (Environmental Information, Awareness, Capacity Building and Livelihood Programme) Hub – Mizoram Pollution Control Board-in 2023 World Ozone Day puala Mizorama college hrang hranga Eco-Club-te tana quiz intihsiak a buatsaihah Govt. Champhai College chu pakhatna a ni.
Mizoram EIACP Hub – Mizoram Pollution Control Board programme officer Er Benjamin Lalnunsanga Colney chuan United Nations-in Montreal Protocol a hman tan ni hriatrengna atan September 16 chu ‘World Ozone Day’ atan a puang tih a sawi a. Kum 1995 atangin he ni hi khawvel pumah ozone layer venhim kawnga hma lakn atan hman thin a ni, tiin, khawvel ram hrang hrangin Montreal Protocol kan zawm that avangin ozone pawp kan tih, ‘ozone hole’ chu kum 2040 leh 2066 inkarah chuan kum 1980 hunlai ang khan a in ‘recover’ leh turah mithiamte chuan an beisei tih a sawi.
Hei hian mipui kan tanrual chuan danglamna nasa tak kan thlen thei, tih leh, kan environment humhalh kawngah a tha zawnga danglamna thlentu ni tura ke pen a, tangrual theuh turin programme hmangtute a sawm tih a sawi.
Mizoram college Eco-Clubs inelna atana buatsaih quiz intihsiakah hian Eco-Club 13 an tel a; heng zinga a tha pathum hi final-ah an intum leh a. Govt. Champhai College chu pakhatna niin sumfai Rs. 7000, pahnihna Govt. Hrangbana College-in Rs. 5000 leh pathumna Govt. Serchhip College-in Rs. 3000 an dawng a, certificate an dawng theuh a ni.
Govt. Champhai College thiam ber
Get real time updates directly on you device, subscribe now.
Prev Post
Next Post