2023 Grammy Awards semnaa perform tur an puan thar zingah Harry Styles a tel a, Styles hian kumin Grammy-ah hian nomination paruk a nei a, chung zingah chuan Big Four categouy-ah record leh song of the year a tel a, kumin Big Four category-a nomination a neih vawi khatna ani. Grammy Awards hi February ni 5-ah an sem dawn a, Crypto.com Arena, Los Angeles-ah show hi an nei dawn a, comedian Trevor Noah-a’n a host ang.
-- Advertisement --
Recording Academy chuan kumin Grammy-a perform tur an puan tawh zingah Lizzo, Bad Bunny, Mary J. Blige, Brandi Carlile, Luke Combs, Steve Lacy leh Sam Smith leh Kim Petras te an tel a, perform tur puan tawh ho hi kumin nomination-a Big Four category a lang vek an ni. Styles, Lizzo leh Smith & Petras te hi February ni 11-a sem tur Brit Awards-ah pawh an perform dawn am Brit Awards hi O2 Arena, London-ah sem a ni ang.
Harry Styles hian kum hnih kalta khan Grammy-ah a hla hit ;Watermelon Sugar’ a lo perform tawh a, hemi tum hian best pop solo performance a dawng nghe nghe a ni.