Lungleia United Nations Food and Agriculture Organisation (FAO) hnuaia Green-AG: Green Landscape Implementation Unit hmalakna leh hmachhawp ngaihtuahin Nilaini khan district bawrhsap Ramdinliani kaihhruaiin 5th Tecnical Support Group an thukhawm.
He project hi Lunglei leh Mamit district-ah kalpui mek niin, hmalak zel dan tur ngaihtuah ho a ni a. Agriculture official-te, line department, NABARD leh KVK te an tel.
Green AG project hmalakna hnuaiah hian kum 2022-2023 chhungin survey, workshop leh training neih a ni a. Hmalakna hmasa atana chhawpchhuah, high priority areas khaw 17 – Mamit district-ah khaw 13 leh Lunglei district-ah khaw 4 tuam tum a ni.
Green Ag Project Mizoram state technical coordinator Dr Keny Vanlalhriatpuia sawi danin, Green Ag tum ber chu India rama agriculture kalphung her rem a, loneitute tan hlawk zawk leh tha zawka kalpui a ni a. Green Ag hnuaia hmalakna tura buh, hmarcha, tomato, vaimim, vawk leh ar vulh bakah changpat hmanga leitha siam leh zirchian a, kuthnathawktute mamawh ngaihtuah pui bakah state pawn thlenga mumal zawka hralh dan ruahman a ni a. Hemi atana bulthut Village Implementation Committee pawh din a ni tawh.
Green AG funding agency chu Global Enviroment Facility niin, implementing agency chu UNO leh FAO a ni a. Sawrkar laipuiah Ministry of Agriculture & Farmers Welfare leh Ministry of Enviroment, Forest & CC hnuaiah niin, Mizoram sawrkar hnuaia state nodal agency chu Agriculture department a ni.
Thutkhawmah hian Green Landscape Management Plan 2023, Draft Annual Workplan & Budget 2023-2024 leh Action Plan February – June 2023 te sawi ho a nih hnu ah pawmpui a ni.
Green AG project kalpui dan thlir
Get real time updates directly on you device, subscribe now.
Next Post