GST Council-in Online Game Firms te lakah 28% Chhiah a la tawh dawn

The Goods and Service Tax (GST) Council chuan an thut khawm vawi 50-na chu July 11 (Thawhlehni) khan neiin chhiah chi hrang hrang lak dan te an ennawn in thenkhat chu tihhniam a ni.
He meeting ah hian kamram leh hmawmsawm chhum hmin loh leh mamawh sem kual thin motor (Special Utility Vehicle) atanga chhiah lak te chu 18% atanga 5% ah tihniam a ennawn an ni a, tin, ram pawn atanga cancer damdawi lakluh leh natna danglam deuh damdawi te chu chhiah awl tir niin kum tam tak chhiah lak dan chungchanga inhnialna lo siam fo tawh thin heng – online gaming te, pawisa khelhna leh lamna hmun (Casino) leh sakawr intlansiak na te atanga chhiah lak dan te chu siamrem a ni ta a ni. Union Finance Minister, Nirmala Sitharaman chuan game chi hrang hrang Skill or Chance te, Bets and Wagers atang te in chhiah 28% lak a nih tawh tur thu leh online hmanga game khelh te atanga chhiah lak a nih theih nan GST dan siam that a nih tur thu a sawi a ni.
GST Council meeting ah hian lo neitu ten La (raw cotton) cooperatives a supply te chu chhiah lak theihna an nih thu a tichiang a, tin, la dehchhuah te atanga chhiah lak 12% ni thin chu 5% ah tih hniam a ni bawk. Council meeting chuan LD Slag (chaw tha, lei tha leh lei sawngbawltu te siamtu)-a GST rate chu 18% atangin 5% ah tih hniam niin heng atang hian envirenment nasa taka a ven theih beisei avanga chhiah te hi tih hniam a ni. Tin, Sangha sawngbawlna a GST rate chu 18% atangin 5% ah tih hniam a ni bawk. Cinema Halls leh a chhehvel a chaw leh ei tur chi hrang hrang te atanga GST rate chu 18% atangin 5% ah tih hniam a ni bawk a. He GST rate 5% a tih hniam hi a hmangtu (consumers) leh sumdawngte (businessmen) te tana nasa taka chhawk zangkhaina a nih bak ah intihhlimna hmuna sum leh pai senso ti tamtu leh ennawm chhuahna hmuna investment ti phurtu atan a tangkai mai bakah India ram economy chawi kangtu atan a pawimawh em em a, tin, GST Council chuan mawlmang taka chhiah kal pui a tum dan leh sumdawngte tana thian tha tak a nih zia lan tir a tum a ni’ tiin a sawi bawk.
GST Council meeting chuan state ten rawtna an siam ram chhung hmun 50-a GST Appellate Tribunals (GST thubuai remna) din rawtna chu a zir chiang a, he rawtna zulzui hian central sorkar chuan GST chungchanga thubuai awmte chinfel a nih theih nan a rel fel tu tur dan hnuai ah a nghet in din a nih tur thu sawiin State tin khawpui ah leh High Court Benches awmna apiang ah tun atanga thla li emaw thla ruk chhung ngeia din a nih tur thu sawi a ni a. GST council meeting chuan GST chungchanga thubuai remtu tur members ruat leh an service chungchang te rel fel nghal in India President in August 1, 2023 atangin hma a la tan nghal dawn a ni.
February, 2023 hnu a GST Council thutkhawmna hmasa ber hi boruak rit tak hnuai ah neih a ni a. BJP Party in sorkar na an siam ve lohna state aiawh te chuan central sorkar in Prevention of Money Laundering Act (PMLA), Enforcement Directorate (ED) hnuai a awm mek enkawlna hnuaia GST Network a awm tur hi an sawisel nasa hle a. Heng BJP sorkar ve lohna state te kaihruaitu te chu Delhi leh Punjab Finance Minister te an ni.
June 2023, chhunga GST atanga central sorkar sum hmuh chu 12% a pungin hei hi cheng vaibelchhia nuaih1.61 lai a nih thu thuneitu te chuan an sawi a ni.