Hmeltha deuh pawh a ha a var that vak loh chuan a that dan a famkim thei lo. Kan ha hi miin min hmuh a keimahni a an notice hmasak pawl a nih tlat avangin, ha enkawl that hi a pawimawh hle a, kan ha fai that dan hian mahni inenkawl uluk chi kan nih leh nih loh thlengin a hril nghal vek an ti hial a ni. Kan ha nawh leh mouthwash hman te bakah tun tumah hian kan ei leh in hmanga ha var nalh neih theih dan ni a Times of India-in a tarlan te kan rawn chhuah chhawng e.
1. Red bell pepper: Vitamin C a tam a, chu chuan collagen siamchhuahnaah a pui a, collagen chu hahni hrisel neih nana protein paiwmawh a ni a, hahni a tihriselin a ti-tight thin. Mithiam ten zirchianna hrang hrang an neih atanga an hmuh danin ka chhung rimchhia/ thawk rimchhia te hian vitamin C an laluh that tawk loh vanga hahni lam hrisel lohna eng emaw tak an nei duh niin an sawi.
2. Bawnghnute lam chi: Bawnghnute atanga eitheih an siam heng- yogurt, bawnghnute, cheese te hi calcium, phosphorus leh casein protein kan hmuh theihna tha tak a ni a, chu chu ha enamel tan a pawimawh a, ha tichaktu a ni.
3. Strawberry: Strawberry te hi kan thawmhnawah a kai palh chuan a tisen thin a, mahse, ha tivartu a ni leh zawk tlat si. Strawberry-ah hian enzyme chikhat malic acid a awm a, chu chu ha tivartu tha tak a ni.
4. Serthlum leh lakhuihthei: Citric fruits, heng serthlum leh lakhuihthei te hi ka chhung tihrisel thei an ni. Heng thei te hian thil tihfai theihna (cleaning properties) an nei a, ka chhung bal tifaitu tha tak an ni.
5. Apple: Apple hian ka chhung a tifai a, kan thil ei ha kara tang te pawh a tifai thei. Apple chu hahni tichaktu a ni bawk.
6. Broccoli: Fibre a pai hnem a, nutrient hrang hrang a pai hnem bawk a, inflammation a tiziaawm thei. Broccoli kan ei hian ha a tivar thei a, ka chhunga bacteria inthlahpung tur a veng thei bawk.
Ha tihvar nan
Get real time updates directly on you device, subscribe now.
Next Post