Hailey Bieber a ruaklo

Hailey Bieber a ruaklo
2018-a innei Justin Bieber leh Hailey Bieber te chuan an fa hmasa ber tur an pai ta. Nau an pai thu hi Instagram-ah puangin, thlalak leh video an post nual a, chung zinga chuan Hailey hian skin-tight lace gown ha chunga a naupai pum puar ve deuh âl a dawm deuh tat lai a awm a, clip pakhatah chuan an pahniha an inneih thutiam an chham nawn leh lai niawm tak a awm bawk.
Comment section cu lawmpui thuin a khat a ni ber a, a lawmpuitu milar rual zingah hian Kendall Jenner, Chrissy Teigen leh Tate McRae te pawh an tel.
Nikum October thlaa GQ-in an kawmnaah Hailey hian fa neih chungchang a sawinaah, “Nu nih hi ka thil nghahhlelh a ni,” a lo ti zauh tawh a, hemi tum hian a naupai niin thu a thang nghal chiam tawh bawk.
Justin leh Hailey te hi September 2018 khan New York City courthouse-ah an innei a, a kumlehah Montage Palmetto Bluff hotel, South Carolina-ah an thiantha leh laina hnai te nen wedding ceremony an nei leh ta a ni.