Hailey naupai thu an puan hnuah a vawi khat nan Bieber nupa khawlaiah

Hailey leh Justin Bieber te chu nau an pai thu puang a, Hawaii-a an inneih thutiam te an chham thar leh hnua a vawi khat nan Los Angeles-ah mipui hmuh turin khawlai an leng chhuak leh ta.
Supermodel Hailey hian Justin nena an fa hmasa ber tur a paiin, Los Angeles khawlaiah hian a napai dul puar ve deuh al tawh langin crop top var a ha a, a inkeng bawr angreng khawo mai a, a Rhode Skin lip treatment phone case viral vak pawh kha a keng tel a, a pasal nen car-ah an chuang dun ta a ni.
Hailey, kum 27, hian blazer dum lian hnekhnawk tak leh kekawr dum lian tha tak a ha deuh hnuk a, Bieber, kum 30, hian nike beanie var khumin, t-shirt var leh kekawrbul hring a ha ve thung.
Hailey leh Justin te hi September 2018 khan inneiin, 2019-ah wedding ceremony an hmang nawn leh a, May ni 9 khan Hawaii-ah chawlh hmang dunin, an inneih thutiam an chham thar leh a, nau an pai thu puangin, Saint Laurent lace dress gown ha chunga Hailey-in a naupai dul puar ve deuh ak tawh a dawm lai thlalak te pawh social media lamah an tichhuak a nih kha.