Haiti pan tur thlawhna titawp lailawk
US atanga passenger phur thlawhtheihna pakhat chu Port-au-Prince-a a tum dawn laiin silai a kah a tawk a, airline engemawzat chuan Haiti pana an thlawhna thlawk an titawp lailawk rih nghal.
He beihna a tawh avang hian flight attendant pakhat chuan hliam tenau a tuar nia sawi a ni a, passenger te zingah erawh hliam tuar an awm lo thung. He thil hi kar thum chhunga Haiti a tum tur thlawhnain beih a tawh vawi hnihna a ni.
Haiti ram hian ramchhung buaina tawk mekin, ralthuam keng pawl tam tak an hrang hle a, prime minister thar an neih hlim a ni bawk nen, sorkar duh khawp lohna ri ring sawt hle.
He thlawhna beih tawk hi Spirit Airlines ta niin, Santiago airport atanga Haiti pan a ni a, beih a tawh ngei thu hi airlines pawh hian sawiin, harsatna dang a thlen zui rih lo thu an sawi.
Airlines hrang hrangte chuan he thil avang hian Haiti pan tur an thlawhnate chu an cancel rih thu an sawi hlawm a, tun dinhmunah chuan Haiti a thlawhluh chu him lovah ngaiin, eng chen nge hei hian a awh dawn erawh hriat a ni rih lo.
Haiti pan tur thlawhna titawp lailawk
Get real time updates directly on you device, subscribe now.
Next Post