China-ah car chetsualna avangin mi tam takin hliam tuar

China-ah car chetsualna avangin mi tam takin hliam tuar
China khawpui pakhat Zhuhai-a thawhtanni tlai lam khan car pakhat chesualin, mipui pungkhawm tam tak a hnawl a, hei vang hian hliam tuar an tam hle nia sawi a ni.
He car khalhtu hi Fan tia koh, kum 62 mi a nih thu sawi a ni a, a hnawl zinga tam zawk hi Zhuhai Sports Centre-a insawizawi zo haw lam an nih avangin hliam tuar hi an tam hle bawk nia sawi a ni.
Zhuhai hian khawpui venhimna hna khauh takin lekkawh mah se, sipaite chu military show an neih lai leh mipui tam zawk pawhin an en avangin duh angin dan an kengkawh zo tawk lo nia sawi niin, insawizawi zo hlimte an lo chhuah tam vang lai tak a ni bawk nen, hliam tuar hi an tam phah hle niin report chuan a sawi a, nunna chan erawh an awm lo thu sawi a ni bawk.
Car chesual lai mita hmutu Chen chuan chinese news magazine Caixin a hrilh danin, car hi chak takin a rawn tlan a, mi tam tak a su zui niin a sawi a, mipui pungkhawmte chu a rawn su phei pawp pawp mai a ni, a ti. Police te chuan car khalhtu hi an chhuizui nghal thu leh a chunga dan hmanga rorelna kalpui a nih tur thu an sawi.