Haiti police-ten gang-te awp hmunah beihpui thlak

Haiti police-ten gang-te awp hmunah beihpui thlak
Haiti sorkar chuan gang hruaitu chak tak, Barbecue tia an koh mai, Jimmy Chérizier-a thunun laiah police-in lian tham takin beihpui an thlak tih a puang.
Thuneitute chuan an khawpui, Port-au-Prince-a Lower Delmas-a gang member thahnem tak thah an ni tih an sawi.
Tual chhung mite chuan sipaite hian drone hmangin beihpui thlaknaah hian puak thei an thlak thin niin an sawi.
Prime Minister Alix Didier Fils-Aimé chuan beihpui thlakna hi a fak a. An hmalakna hi an ram him lo tak titawp tura special task force-in ni hnih liam taa an duan niin a sawi.
Kum 47 mi, Chérizier-a hi khawpui zau tak thununtu gang hrang hrang tanhona, Viv Ansam (Live Together)-a an hruaitu hlauhawm tak a ni.
Tun tuma beihpui thlaknaah hian nikum atanga venhim hna thawk tur leh gang bei tura Haiti-a Kenyan police officer dah luhte an tel ve em tih puan a ni lo.
Kar hmasa khan Kenyan police officer pakhat, anmahni kaihhruai Multinational Security Support mission-a patrol-a duty chu gang member-te nen an inbeihnaah thah a ni.
Gang-ten Port-au-Prince zau tak an thunun avang hian dan leh thupek kenkawhna a tha lo hle a, damdawi in a kal mumal thei lo va, ei leh in a vâng em em bawk.
Kum 2024 atang khan Caribbean ramah hian gang-te tharum thawhna avangin mi 5,500 chuang an thi tawh a, mi maktaduai chuangin an in leh lo an chhuahsan phah.
Sorkar lailawk ding mek, presidential council an tihin enkawlin anni hi mipui thlan sorkar a din leh theihna tura siam an ni a; mahse, buaina awm reng avangin inthlan pawh an huaihawt hleithei lo.