Hamas military chief Deif thi tawh ti
Israel military-te chuan Hamas military chief Mohammed Deif chu thla kaltaa Gaza Strip airstrike-ah tihhlumin a awm tih an chian tawh thu an puang.
13 July khan Khan Younis-a compound pakhat chu Israel-in Deif awmna ngei nia ngaiin air strike-in a bei a ni. Hamas te erawhin Deif thih thu hi an la sawi duh lo thung a.
Israel chuan Deif chu nikum 7 October a southern Israel beia mi 1,200 chuangin nunna an chan phahna chhana sulsutu leh ruahmantu ber tiin a sawi a ni.
A hma lawkin Israel chuan Hamas political leader Ismael Haniyeh chu Tehran-ah tihlum tawh bawkin, senior Hezbollah commander Fuad Shukr pawh Lebanese capital bei turah Israeli air strike vangin a thi tawh bawk.
Mohammed Deif kha Hamas movement military arm Izzedine al-Qassam brigade hotu lu ber a ni a.
Kum 1989 khan Israel sipaite man tumna liau liaua a din Izzedine al-Qassam Brigade a din hnu lawkin Israel thuneitu ten an man a.
Chhuah zalen a nih hnuah Israel chuan kum 1996 a bus bomb avanga Israeli tam takin nunna an chan phahna chhana sulsutu ber a ni bawk a, kum 1990 chhova Israeli sipai pathum mana a hnua thah vekah pawh Deif chu engkim ruahmantu anga ngaih a ni.
Hamas fighter tena Gaza atanga leiverh hmanga Israel an luh theih nana tunnel siam pawh Deif hi a sulsutu tia sawi a ni bawk.