Harsa takin Rune a chak

French Open khelh mekah thawhleh zan khan champion tura rinkai zinga mi Holger Rune chuan harsa takin hnehna a chang a. Zanina quarter-final-ah Casper Ruud a hmachhawn zui leh ang.
Denmark rawlthar Rune hian 4th round-ah Francisco Cerundolo a hmachhawn a, deciding set tie-break-ah harsa taka hnehna chang hramin tlak a pumpelh. Rune hian Cerundolo lakah harsa taka set khatna a lak hnuin set hnihna leh set lina a hloh a. Deciding set-ah inhnehtawk taka an inlehthal zak zak hnuin tie-break-ah 10-7 in a chak hram a. 7-6 (7-3) 3-6 6-4 1-6 7-6 (10-7) a hnehna changin quarter-final a lut. Rune hian 7-6 (7-3) 7-5 7-5 a Nicolas Jarry hnehtu a hmachhawn zui leh ang. Thawhleh zana inkhel dangah Alexander Zverev chuan hnehna changin quarter-final a lut ve bawk.