Tottenham Hotspurs manager thar Ange Postecoglou

English Premier League club lian Tottenham Hotspur chuan manager thar an nei fel ta nge nge a. Inelna lian pathuma Celtic champion puitu appointed Ange Postecoglou chu kum li daih contract an ziahpui.
Australian manager Postecoglou hian football a khelh lai chuan Australia club lian South Melbourne tan a khel thin a. Hetihlaia an manager chu footballer lar Ferenc Puskas a ni. Melbourne South a an pi Puskas tih dan phung hi coaching a luhchilh hnuah pawh entawn zui viau. Kum 1996 atang khan team a enkawl tan a. A League ah a club hlui South Melbourne a champion pui hmain Brisbane Roar chu kum 2009 – 2012 chhung khan a enkawl a, A League-ah a champion pui nghe nghe. Melbourne Victory a enkawl leh hnuin kum 2013 atang khan Australia National team a enkawl tan a. Australia hi World Cup 2014 a khelhpui bakah Asian Cup 2015 ah a champion pui bawk a. Club leh ram tan hnuhma ?ha tak a hnutchhiah.
Australia ah hlawhtlinna hrang hrang a chan hnuin Japan lamah a kal a, Yokohama F Marinos a enkawl. Kum 15 chhung zet J-League a champion zo tawh lo Yokohama F. Marinos hi a J-League-ah ngei a champion pui a, ram dangah pawh a che tha chhunzawm zel. A team enkawlte a chet?hatpui zel vangin league lian zawk Scottish Premiership a club hlun leh lian Celtic in an hmutai a, kum 2021 khan an khan an manager thar atan an ruat. An manager atan Postecoglou an ruat hi an tisual lo viau a, Scottish Premieship ah an champion nghal. Postecoglou hnuaiah Celtic in hma an sawn zel a, 2022-23 season ah an champion zui leh a. Trophy lian pathum la in, treble champion an ni hial nghe nghe. Postecoglou hian kum hnih chauh a enkawl chhungin Celtic hi trophy panga a lakpui hman.
Australia, Japan leh Scottland a hnuhma ?ha tak a neih thu hian Premier League club lian Tottenham Hotspurs beng a thleng a. Manager nghet sei lova season khat Spurs hian an manager thar atan an ruat fel ta thuai a ni.
EPL ah pariatna ni chunga season khat Spurs hian 2018-19 ah Champions League final an khelh hnu khan manager an tlo lo ta riau a. Mauricio Pochettino an ban hnuin Jose Mourinho, Nuno Espirito Santo leh Antonio Conte te an ban hman. Italian manager Antonio Conte an ban hnuin manager nghet an nei mai lova, manager lailawk Ryan Mason hnuaiah season an khat.
2022-23 season a tawp rualin Spurs hian an manager thar tur an zawng ngawrh leh zual a. Bayern Munich manager hlui Julian Nagelsmann, Barcelona leh Spain manager hlui Luis Enrique te, Arne Slot, Graham Potter, Julen Lopetegui leh Rodgers te nen sawi zawm an nih hnuin Celtic duhlai Ange Postecoglou lam an hawi a, an indawr fek zui ta a ni.
Tottenham chairman Deniel Levy chuan an manager atan Ange Postecoglou an ruai thei chu phurawm a tih thu a sawi a. Manager tharin a player duh zawng a lak theih nan sum leh paiah ?ha taka an thlawp tur thu a sawi tel bawk. Tottenham hian European competition an khelh phak dawn loh vangin player ?ha chelh leh lak luh an harsat dawn a, chu chu Ange Postecoglou tan pawh hna hautak hmasa a ni ngei dawn. An captain Hugo Lloris a chhuak dawn a, an goal thun khawl Harry Kane chu club lian zawk ten lak tumin an hel mek bawk a. Kawng dikah kir a, club lian dangte el phak turin Spurs hian intuaithar an mamawh a, chu chona hautak chu Ange Postecoglou hian a hmachhawn a ngai dawn.