Hate speech 75% BJP rorelna state-ah

Kum 2023 khan India ramah Muslim te thlurbikna hate speech chhinchhiah 668 lai a awm tiin Washington DC a inbun religious minority te laka hate speech chihnchhiah tu India Hate Lab te chuan an sawi a. Report an siam ‘Hate Speecdh Events in India’ tihah chuan kum 2023 kum chanve hmalamah hate speech 255 thlengin kum chanve hnu lamah 62% lawiha pungin 413 a thleng an ti.
Hate speech 75% chu BJP rorelna state, Union Territory (BJP kaihhruai sorkar enkawl) leh Delhi (police leh public order Union government thuneihna) a thleng a ni a. 36% chu Muslims te laka tharumthawhna kalpui tura infuihna a ni a, 63% chu conspiracy theory, love jihad, land jihad, halal jihad leh population jihad kaihhnawih te a ni bawk a, 25% vel chu Muslim te pathian biakna bei tura intihna a ni tia tarlan a ni.
Hate speech event chu August atanga November thla inkarah a turu ber a, khatih lai khan Rajasthan, Madhya Pradesh, Telangana leh Chhattisgarh ten Assembly election an neih lai a ni a. Hate speech event thlen tamna te chu Maharashtra (118), Uttar Pradesh (104), Madhya Pradesh (65), Rajasthan (64), Haryana (48), Uttarakhand (41), Karnataka (40), Gujarat (31), Chhattisgarh (21), leh Bihar (18) te an ni.
Hei mai bakah hian BJP rorelna state leh BJP te rorel lohna state ah te chuan hate speech event awm rau rauah danglamna a awm an ti bawk a. Thusawi natak leh hlauhawm tak te chu BJP rorelna state ah a nasa zawk zel tiin report chuan a tarlang bawk a. Tharumthawh tura insawmna 78% lawih chu BJP rorelna state leh UT ah te a thleng a ni an ti bawk a. Pathian biakna hmun bei tura tihna awm 78% chu BJP rorelna state a thleng tiin report chuan a tarlang bawk.
Hate speech event hi non-BJP rorelna state ah chuan BJP leader ten an kalpui deuh ber, tiin report chuan a tarlang bawk a. BJP rorelna state ah chuan hate speech a BJP leader te inrawlhna chu 10.6% chauh a nih laiin non-BJP state ah chuan 27.6% a ni tiin report chuan a tarlang bawk a. non-BJP rorlena state a thuneihna chan duhna lamah BJP te chuan hate speech an uar zel a ti bawk.
Hetianga hate speech event thlengasulsutu pawl zingah Vishwa Hindu Parishad (VHP) leh Bajrang Dal te chu an langsar ber a ti bawk. “BJP te hrim hirm chu election rally neiha hate speech event 50 lai ruahman tu an ni” tiin report chuan a tarlang bawk a. A pumopuiah Sangah Parivar te chuan event 307 huaihawtin kum 2023 a hate speech event 46% kha an kutchhuak a ni a ti bawk a. Report chuan cow vigilantism kalpuina Gau Raksha Dal tih ang te chu hate speech kalpui ber berna a ti bawk.
Report chuan kimchang taka tarlangin hate speech event 15% a inhnamhnawih zingah BJP leader lawk tak tak an tel a ti a. hate speech chu Hindu religious leader te inhnamhnawihna a ti bawk a. Hate speech event 146 ah speaker panga an inhnamhnawih a ti bawk a. “BJP legislators T Raja Singh leh Nitesh Rane, Antarrashtriya Hindu Parishad (AHP) chief Pravin Togadia, far-right influencer Kajal Shingala, Sudarshanb News owner Suresh Chavhanke, Hindu religious leaders Yati Narsinghanand, Kalicharan Maharaj, Sadhvi Saraswati Mishra te chu hate speech speaker lawk pariatte an ni” tiin report chuan a tarlang bawk.
Report chuan Israel-Gaza indona chu ‘anti Muslim hate vawrh zual nan’ remchangah hman a ni a ti bawk a. October 7 atanga December 31 inkara hate speech event 193 thlengah 41 (21%) chu Indian Muslims te laka hlauhna tuh leh huatna lam sawi nana hman a ni a, Hindu far-right leader te chuan Muslims te chu tharumthawh hmang tia chuhahin Hindus te tana hlauhawm tiin an sawi a ni.
Report chuan hate speech leh tharumthawhna a inzul zel ti bawkin chung zingah chuan July 2023 a Nuh, Haryana leh June 2023 a Kolhapur, Maharashtra a tharumthawhna thleng te chu a nasa zual tiin a sawi bawk a.
Report chuan India chu nasa taka inthen hrang mekin a awm a, huatna entrepreneur thar a piang zel a, chung te chuan established leh outfit dang te nena inzawmna neiin status quo thlak danglam tum bakah minority ngaihtheihlohna agenda an kalpui bawk a, hun dang zawng aia duh firna a thleng mek tiin a tarlang bawk.