Hausate hausakna pung nasa tial tial

Italian communist student of mime, naupan lai atanga ball lam tuipui leh comedian fiamthu thiam ten eng nge in anna an neih? An vaiin select global club member an ni thei vek.
Miuccia Prada, Tiger Woods leh Jerry Seinfeld te chu US-dollar billiaires zingah an tel tlat a ni.
Forbes te chuan class of billionaires for 2024 te chu kum sawm kalta ai khan 255% in an hausa tawh zawk a, tuna an hlutna chu $ 2 trillion niin chumi awmzia chu khawvela billionaires 2,781 atanga 0.5% te chuan billionaire wealth 14% lawih an chang a ti.
US chuan ram dang zawng aiin billionaire a ngah ber a, 813 neiin China-in dawtin 473 a nei a, India chu pathumna niin 200 a nei thung.
Heng mihausate hausakna hi chhut thiam mai pawh har tak a ni. Billion chu number tam tak mai niin million seconds khat hi ni 11 a ni a, billion chu kum 32 lawih a ni.
Khawvela mihausa tawntaw zual sawm riat pakhat te hausakna chu, khawvela mirethei billion li chuangte hausakna belhkhawm aiin a la tam zawk.
Kum 2023 khan report on inequality an tih chhuahah Oxfam te chuan, “Billionaire tin te hi policy mistake-in a hrin a ni. Billionaire pung zel leh an profits record a tam zual zel laiin mi tam ber te chuan austerity, retheihna pung, cost-of-living crisis tuarin chung te chu economic system humanity mamawh phuhru lo finfiahna a ni zawk,” tiin a tarlang.
Intluktlanlohna nasa tak chuan ram tam takah mihausa tawntaw te lakah tax sang zawk lak nise tia rawtna a siam a. US-ah pawh Democracti Party Senator Elizabeth Warren chuan $ 50 million chin nei te chuan tax an hausakna atangin 2% pe se, $ 1 billion chin nei te chuan 3% pe se tiin rawtna a siam.
Mahse hnialkalhtute chuan hausakna turu tak chuan innovation lamah hmasawnna thlenin chu chuan mi maktaduai telte nun a tichangkang an ti ve thung.
American economist Michael Strain chuan billionaire tam zawk kan mamawh tia sawiin a thusawi tichiang turin Nobel Prize winner William Nordhaus an technologial innovation atanga hlawkna 2% chauh chu a founder leh inventor ten changin a bak zawng chu society-in an chang a tih chu a sawi lang a.
Strain chuan billionaire te chu ‘self-made innovators te kan nundan thlak danglam tute’ tiin a sawi a. Sawifiahna a siamah Bill Gates leh Steve Balmer te chu personal computer revolutionise tu a ti a, legendary investor Warren Buffett, Jeff Bezos retail thlak danglam tute, Elon Musk automative industry leh space commerce lama kalphung thlak vektute chu a lamchhuak a.
“An vai hian ‘policy failures’ hrin an ni lo” tia sawiin, “an awm loh ai chuan an awm avang hian lawm zawk tur kan ni,” tiin a sawi.
Billionare thenkhatte chuan an sum tam tak charity-ah an pe bawk a. Gates leh Buffett te chuan “The Giving Pledge” siamin an hausakna zahve lawih chu midangte hnena pek an intiam a ni.
The Giving Pledge a hming ziah hnan lo rapper, business mogul leh billionaire Jay-Z chuan, “Mirethei ka nih chuan miretheite ka tanpui thei lo a lawm. Chuvangin ka hausaa ka pe let thung. Kan vaia tan hlawkna ve ve a ni” tiin a sawi.
Billionaire nih chu kawng awlsam a ni lo. Mite mamawh leh duh leh nuam tih i pe thei a nih ngawt loh chuan hausak mai theih a ni lo.
Google founder chuan an search engine chu $1 million a hralh duhin a zuar a, tumah lei duh an awm lo. Vawiinah erawh Google hlutna chu $ 2.3 trillion niin co-founder Sergey Brin hausakna chu $ 135 trillion a ni a, Morocco ram GDP nen a intluk reng.
Maria Bianchi chu kum 1960 vel laia Italy a theatre school-a mime zir thin niin a hnuah a hming Miucci Prada tiin a thlak thung a.
India-a hmeichhia billionaire hmasa ber Kiran Mazumdar-Shaw chuan beer a siam phawt a, chu mi hnuah pharmaceutical lam buaipuiin Asia khawmualpuia insulin siamtu lian ber a ni tawh thung.
Jerry Seinfeld nu leh pa chu fahrah ve ve niin a pain a pawm ngai miah lo bawk. A thianpa Larry David nena a comedy lar tak Seinfeld-ah pawh character rule an siam chu ‘No hugging and no learning’ tih a nih phah a ni.
Heng billionaires te hausakna hi khawvel huap ang pawha politics leh technological trends inthlak danglam vang a ni tel bawk.
Tech entrepreneur Jack Ma, Alibaba group dintu chu thil pahnih lian tak thleng – online retail leh China economic power turu tak hlawkna teltu a ni.
Chutih rual chuan vanneih vang te pawh a ni. Microsoft founder Bill Gates chu kum 1960 chho bawr vela US a computer nei school tlemtea zir thei a ni a. Zaithiam Rihanna pawh record producer Barbados a holiday a zin awm laia audition nei thei hlauh a ni bawk.
Taylor Swift nu leh pate chuan an fanu zaithiamin career tha a neih theih nan Pennsylvania atangin Nashville ah an pempui a. Michael Jordan hringtu nu chuan a fapa hnenah Adidas emaw Converse te nena inremna an siam hmain Nike te rawtna ngaithla hmasa tura tiin chu mi hrin chu a hun laia sports endorsement history a turu ber a thlen phah a ni.
Khawvela mihausa ber chu LVMH French luxury goods titan bernard Arnault leh a family te chu khawvela hausa ber niin $233 billion nei anga chhut an ni a. Forbes te chuan kum 2024 ah khawvelah billionaires 2,781 an awm tiin an sawi.
Nikum aiin billionaire 141-in an tam zawk a, Forbes te chuan mihausate chu a hma zawng aiin an hausa zual tiin an hausakna belhkhawm chu $14.2 trillion a tling tiin an sawi bawk.