Health care scheme thar la hmang thei lo

Mizoram sawrkarin health care scheme thar a duan chu kumin July-ah pawh hman theih a la ni dawn lo.
‘Mizoram State Health Care Scheme hman mek thlak turin sawrkar thar chuan ‘Mizoram Universal Health Coverage Scheme’ a duang a. Hemi hnuaiah hian cheng nuai hnih vel thleng chauha bill theih chu nuai ngaa tihpun tum niin, damloten anmahni sum seng loa damdawi ina an inenkawl theihna tur – cashless system-a kalpui tum a ni.
He health care scheme thar hi kumin July atang chuan hman theih tuma inbuatsaih a nih laiin, an la inpeih hman lo deuh niin a lang a. July thleng chuan health care scheme kalpui mek chu hman zui tum a ni.
Mizoram State Health Care Society chuan, Mizoram State Health Care Scheme policy kal mek, 2023 April atanga 2024 March scheme thar hman tum vanga kumin June thleng hman theih tura pawhsei chu, scheme thar hi hman tura peihfel a la nih loh avangin 2023 April – 2024 March chhunga inziaklutte tan kumin July thlenga hman chhunzawm leh a ni dawn tih a sawi a ni.
Hei hian policy hman theih chin bituk, cheng nuaih hnih hmang zo tawhte a huam lo tih a sawi bawk.