Health Clinic Centre din a taka kalpui theih ring lo

Health Clinic Centre din
a taka kalpui theih ring lo
Sawrkar hmasa hun lai atanga din, health clinic centre a sak chu a tak taka kalpui tak tak theih a nih a ring lo tih Health minister chuan a sawi.
Assembly Session-a zawhna a chhan danin Health & Family Welfare minister Lalrinpuii chuan, Health Clinic Centre hi kum 2023 atanga sak tan a ni a, sawrkar hmasa hunlai khan 70 sak zawh hman a ni a, a bak hi an sawrkar hnua an sak niin, plan leh estimate hi an sawrkar hnua siam a ni lo tih a sawi.
Pakhat sakna atan hian Rs. 2,90,000 ruahman niin, Finance department-in paih ngai hrang hrang a lo laksak hnu ah Rs. 2,60,000 a sak a ni tih a sawi. “A te in a beitham hle a, kan sa teuh tawh na in, a taka kalpui (function) tur chuan thil theih tur niin ka hre lo,” a ti.
Sanction amount enin cheng vaibelchhe 8 leh tlem vel a ni a, Finance officer-te a sawipui a, a tangkai vak dawn loh avangin a component hi tih danglam dan a awm theih em tih a zawt a; IPHS (Indian Public Health Standards) norms ang phei chuan kalpui theih a ni dawn loa, thawktu pawh department-in a pe thei dawn si loa, a tih dan ngaihtuah sak turin a ngen tih a sawi.
“Finance officer-te hian rei tak an ngaihtuah hnu ah, utilisation certificate pek vek tawh a nih avangin, sak ngei ngei a ngai a, sak loh chuan SASCI sum hman a nih avangin rawn endik thut se, in chetbuai theih zawk ang, an ti a ni,” minister hian a ti.