Heart attack sign hriat tur

Heart attack (lungphuchawl) hi a sign hrang hrang te kan hriat hian nunna a chhanhim phah thei. Heart attack chu ‘silent killer’ an ti a, tu te pawh hi a victim kan ni thei.
Exercise lak that loh, ei leh in a fimkhur loh leh nunphung hrisel lo te hian heart attack risk a tisang tih a ni. Columbia Asia Hospital, Gurgaon-a Cardiologist Dr Anil Bansal-a’n heart attack warning signs ni a a sawi, Times Of India-in a tihchhuah te kan rawn tarlang ve dawn e.
I awmbawr (chest) chu rit deuh riau (feeling heaviness)-a hriatna i neih a, pum chunglamah (upper stomach) tawrh zawh loh mai tur khawpa na i neih a, ban veilam na, khabe leh nghawng vel na leh thawk lama harsatna te i neih bawk chuan a rang thei ang berin damdawi in hnai ber pan la, ECG tih tur a ni.
Warning sign dang lehah chuan luakchhuak tideuh nghulhin an awm a, thlanfimin a bual zawih zawih a, lu a hai deuh thin. Awmbawrah hnawhtu awm ang mai emaw awmbawr chu eng emaw thil rit takin a delh ang maiin a awm bawk thin.
Mipaah chuan warning sign common ber pakhat chu awmbawr na hi a ni a, hmeichhiaah chuan thawk lama harsatna, luakchhuak hnungzang leh khabe na te hi a common hle.
Heng symptoms zinga a eng emaw ber hi i nei emaw, hetiang symptoms nei hi i hmu emaw a nih chuan damdawi lam thiam panpui thuai tur a ni.