Heart Health Quiz

Heart Health Quiz
Tun tum chu lung (heart) hriselna quiz Times of India health section atanga lakchhawn kan rawn tarlang e. Zawhna chi hrang hrang kan rawn chhawp chhuak a, heng zawhna te hi dik takin chhang la, ‘Aih’ (No) tia chhan hi pahnih aia tam i nei a nih chuan i lung (heart) risk a sang tihna a ni.
Lung lam natnain a thlen theih leh a nghawng pawi theih dan te kan hriain kan hlau viau a, mahse, lung leh a kaihhnawih chungchanga kan hriatna erawh a zau leh vak mang thin lo. I ‘heart smart’ em tih hre turin zawhna te hi han chhang teh le.
1. I cholesterol level i hria em? Aw/Aih
Mi 10 zelah mipakhat chauhin mahni cholesterol level hi an hria niin an sawi. Cholesterol hi kan taksa cell hnathawh danah a pawimawh hle a. Mahse, i thisenah cholesterol a lam lutuk chuan lung lam natna a thlen thei.
2. I BP (blood pressure) i hria em? Aw/Aih
Mi 100 zela mi 50 aia tlemin an BP san zawng an hria. BP a san chuan lung natna risk a sang. I BP chu thlithlai reng a, 120/80 aia sang lo turin tan la ang che.
3. I Body Mass Index (BMI) i hria em? Aw/Aih
BMI hi kan san zawng leh rih zawng inmil tawk dan tur tehna a ni. Mi tam zawkin kan BMI kan hre lo. Kan BMI a san chuan lung natna risk a sang a, chubakah type 2 diabetes risk a tisang bawk.
4. Mei i zu ngai em? Aw/Aih
Mi tam zawkin meizuk hi nunna atana a pawi theih kan ring vak lo thin. Mahse, meizuk hian lung natna risk a tisang. Meizuk i sim chuan i lung kha kum 10 (heart age) velin a tinaupang leh thei ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More