Thawhtan zing khan NBA Eastern Conference final game thumna khelh a ni a, game hnih chak zawn tawh Miami Heat chuan Boston Celtics an hneh nawn leh a, NBA final lut turin vawi khat chak chiah an mamawh tawh.
Game hnih chak zawn tawh Heat hian Celtics lakah an khel tha leh viau a, quarter hmasa pathumah chungnung zawkah an tang vek. Quarter hmasa pathum an lak hnuin quarter hnuhnung berah hnufual ve det bawk mah se point 26 zetin an khingpuite an hneh leh ta tho a, game thum an chak zawnna ni turin Celtics hi point 128-102 in an hneh.
Final luh chian thuai tuma tan khawh Miami Heat hi final game thumna quarter hmasa berah point riatin chungnung zawkah an tang nghal a, quarter hnihnaah point sarihin an chungnung zui leh a, point 15-a hmahruai chungin chawlhlawk an hmang.
Chawlhlawk hnu lamah Heat an khel tha chhunzawm zel a, quarter thumnaah point 15 zetin an chungnung zui leh a, quarter hnuhnung ber an khelh dawn meuh chuan point 30 zetin an sang fal tawh a, chak zawk tur a chiang tawk viau tawh. Chak zawk tur a chiang tawk viau tawh chungin Heat hi an inthlahdah chuang lova, quarter hnuhnung berah inkhel hmuhnawm leh zual hmuh tur a awm. Quarter hnuhnung berah hian Celtics in point 39 lai thawkchhuak mah se point li bakin an sang fal thei chuang lova, point 26 zetin an khingpui an umphak zo ta chuang lo a ni.
Eastern Conference final game lina hi nilai zing khian khelh a ni dawn a, Miami Heat hi an chak nawn leh a nih chuan NBA Final an lut ang a. Denver Nuggets leh LA Lakers te inkhela chak zawk zawk nen NBA champion nih an inchuh ang
Heat an chak nawn leh
Get real time updates directly on you device, subscribe now.
Prev Post
Next Post