Heatwave nasa zual zel

India heatwave chu heatwave awm tawha hun awhrei ber ni mekin sorkar mithiamte chuan temperature sang zawk India-in a tawrh zui zel tur thu a sawi.
Northern India chu May thla laihawl vel a\ang khan khawlum lutukin nuai \anin temperature in 45 degrees Celsius (113 degrees Fahrenheit) te a pel hial a.
“Kumin heatwave kha India rama heatwave thleng tawha hun awh rei ber niin ni 24 chhung lai a awh a ni” tiin head of India’s Meteorological Department (IMD), Mrutyunjay Mohapatra chuan a sawi.
Mahse khawlum lutuk chu ziaawm zel tura ngaih niin furpui a in\an tawh a, tichung chuan khawlum lutuk chu la thleng thei tho a ni tiin Mohapatra chuan a sawi bawk a.
“Heatwave a thleng zing tial tial dawn a, a awhrei zual zel ang a, a nasa tial tial bawk ang a, nasa thei ang bera invenna ngaihtuah a \ul” tiin a sawi.
India hi khawvela greenhouse gasese pechhuak hnem ber ram pathumna niin mahse kum 2070 ah zero emission economy ni thei turin hma a la thung a, khawthlang ram te chuan kum 2050 ah zero emission economy nih an tum hman thung.
Tun dinhmunah chuan India chu poweration atana coal la hmang nasa a ni mek thung a. “Mihring chetvelna, population pung zel, industrialisation leh transport mechanism te chuan carbon monoxide, methane leh chlorocarbons te a tipung a ni” tiin Mohapatra chuan a sawi a. “Keimahni chauh dinhmun derthawngah kan dah a ni lo, chhuanthar te pawh derthawngah kan siam a ni” tiin a sawi.
Scientific research chuan climate change chuan heatwave awhrei, nasa zawk leh zing zawkin a siam an ti bawk a. Kumin a khawlum ber New Delhi a chhinchhiahah temperature in 49.20C a hawlh hial a ni.
May 29 khan Delhi daifema Mungeshpur ah chuan temperature 52.90C record a ni a, Delhi hmun dang danga station 17 ah temperature in 490C a kai vek bawk a. Kumin India khawlum a nasa hle a ni.