Heroin leh Meth man

Excise & Narcotics department leh 42 Assam Rifles thawkdun chuan September 21 zan dar 6.30 khan Champhai to Aizawl Road, Chhungte khaw daiah heroin gram 107 & mg 780 (hawng 8) an man a, a neitu nia puh Lalsangliana (31) Electric Veng Champhaia khawsa nia inchhal an man.
September 21 zan dar 10.45 khan Champhai district Hruaikawn khaw dai, Khuangi Lungdawh an tihah Lalrinzauva (33) Bualte Falam Myanmar, tuna Zokhawthara Bethel Refugee Camp-a khawsa mek nia inchhal kut atangin Methamphetamine (Crystal Meth) kg. 4 an man a. Meth manchhuahnaah hian Anti-Drugs Squad Sub-Headquarters YMA Champhai in an tawiawm a ni. Crystal Meth hi Myanmar atanga lak, Mizoram kaltlanga state pawna hralh tum a ni.