Heroin tawlh kawng Mizoramah heroin hluar

Mizoramah tunlaiin heroin a hluar a, a tawlh kawng a nih avangin hnam dang pawh an inrawlh telh telh nia hriat a ni.
Mizoram Excise & Narcotics (MEN) department hotute chuan heroin an man nasat thu an sawi a, mahse a tam zawk hi chu Mizoram pawna mi tur a ni tih an sawi.
“Mizorama heroin kan man zat hi Mizorama heroin ti \hinte mamawh bak fe a ni. Hetiang zat heroin hi Mizorama heroin ti \hinte’n an mamawh lo,” MEN department hotu pakhat chuan a ti.
“Heroin tawlh kawng kan ni a, hmun hrang hranga mi tur hi Mizoramah a rawn lut a, chung chu kan lo man \hin a. Mizoramah demand a sang thar thut tihna a ni lo,” a ti bawk.
MEN department hotute chuan heroin an manah hian a hlawma an man chu Mizoram pawna mi tur a lo ni deuh zel tih an sawi a, an mi mante pawh a neitu ni lo, a keng tura an rawih te an ni a, a neitu pawh an lo hre ngai lo tih te an sawi.
Mizoram kaltlang hian Assam-ah a lut nasa tih an sawi a, Assam leh Tripura-ah heroin a hluar a, an mangang ve hle tih te an sawi. Hmun dangah pawh Mizoram kaltlang hian an lut ang tih an sawi a, heroin tawlhnaah hian hnam dang pawh an rawn inrawlh telh telh tih te an sawi.
Mizorama heroin an man hi golden triangle tia sawi, Myanmar, Thailand leh Laos inrinaa mi a ni tih an sawi a, Manipur buai hnuah Manipur-ah an ken luh ngam loh avangin Mizorama lut hi a pung nia an rin thu an sawi bawk.
MEN department hian June thla thleng khan heroin hi kg 30.600 an man tawh a, nikum khan kum tluanin kg 79.359 an man. 2023 kha an man tam ber kum a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More