Hezbollah hruaitu Nasrallah vuinaah mi tam

Hezbollah hruaitu Nasrallah vuinaah mi tam
Pathianni khan Beirut khawpuiah Hezbollah hruaitu hlui chu Israel-in a thah atanga thla nga dawnah vui a ni a, pungkhawm an tam hle.
Hassan Nasrallah-a hi Israel thlawhnaten Lebanon khawpui daia an pawl hmunpui an beihnaah thah a ni a. A thi hi Iran-in a thlawp pawl tan hian chhiatna lian tak a tling.
Nasrallah-a hi an pawl hruaitu kum 30 chuang lo ni tawh leh a dintute zinga mi a ni a. Heng lai vela Iran-in a puih thin pawl, Iran-led axis of resistance an tih mai, Iraqi, Yemeni leh Palestinian pawl hrang hranga tla na tak a ni.
Lebanese khawpuia an khelmual lian bera vuinaah pawh hian Iran parliament speaker Mohammad Bagher Qalibaf leh Foreign Minister Abbas Araghchi te pawh an tel.
Lebanese thuneitute atangin parliament speaker leh president leh prime minister aiawhte pawh an tel a. Lebanon-a invuinaah chuan kum 20 chhunga a lian ber niin an sawi.
Hezbollah hotu lian, Ali Daamoush chuan Inrinni khan ram 65 atangin mi 800 chuang an tel dawn tih a sawi a, hei bakah hian an mi leh sa sang chuang an tel dawn bawk tih thuthar lakhawmtute hnenah a sawi.
Nasrallah-a hi Beirut-ah phum a ni a, amah thlaktu, a unau (cousin), a hnu lawka Israel-in Beirut daia an thah zui ve tho, Hashem Safieddine erawh an khua, Lebanon chhim lamah phum a ni.
An pahnih hian hmun biru takah phum an lo ni tawh a, thla tirah khan Hezbollah chuan official-a vuina hman a nih tur thu an puang chauh a ni.
Hezbollah hi Israel nen thla 14 an indo chhungin an inchân nasa hle a. Israel hian politics leh sipai lama an hotu lian tak tak an thahsak.
An tana pawi tak ni thei chu December thla tir khan kum 50 zet Syria-a ro lo rel tawh, anmahni thlawptu leh Iran atanga ralthuam leh sum an chawk luhna kalkawnga mi tangkai ni bawk, Assad chhungkua paih thlak an ni bawk.
US-in palai hna a thawh hnuah Israel nena an indona hi November 27 atang khan inkahhai puangin an tawp mek a, Hezbollah hi Israel nena an inrinaah ralthuam nen an inlan tawh tur a ni lo tih a ni.
An hotu ber thin vuinaah hian tumhmun kalkawngah screen lian tak tak zarin khelmuala vuina inkhawm chu tihchhuah a ni a. Venhimna pawh khauh taka kalpui niin a hmun panna kawngpui lian tam tak khar a ni.
Lebanese sipai leh police pawh inringin Beirut leh a dai vel chu drone nen an vil a. Beirut-a Rafik Hariri International Airport pawh chhun atangin darkar li khar a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More