Hezbollah rocket kah vangin Israel mi pasarih boral

Hezbollah rocket kah vangin
Israel mi pasarih boral
Hezbollah chuan Israel ram hmun hnihah rocket kap lutin, mi pasarihin an boral phah tih Israel chuan a sawi. Hei hi thla tam tak hnua Hezbollah beihna avanga Israel lam thihpui tam lehna ber a ni.
Hezbollah-te hian Lebanon ramri, Metula khawpui bulah rocket hi kapin Israel loneitu pakhat leh ramdang a\anga lut kuthnathawktu pali an boral niin foreign minister Israel Katz chuan a sawi.
A hnuah tuipui kama khawpui Haifa pawn lam Kibbutz Afek bulah hmeichhia kum 60 mi leh mipa kum 30 bawr vel chu helho beihna avang hian an boral leh bawk nia sawi a ni.
Hezbollah ho hian Israel mite hi rocket hmanga an beih ngei thu an sawi a, rocket tam tak hmangin Israel lam hawia beihpui an thlak zui thu an sawi.
Israel ram buaina hian ziaawm lam a la pan thei lo tluang zel a, thenawm ram hrang hrangte nen buaina an neihzui zel avang hian engtinnge hma an la lak zel dawn tih a la hriat loh a ni.