High Level Task Force-in NE hmasawnna tur sawiho

High Level Task Force-in NE hmasawnna tur sawiho
High Level Task Force on North East Economic Corridor (NEEC) chu an convener, Mizoram chief minister Lalduhoma kaihhruaiin Nilaini khan inbiak hmuh theihna hmangin a vawikhatna atan an thukhawm.
India ram hmasawnna tura hmarchhak bial pawimawhna Lalduhoma hian sawiin, High Level Task Force on NEEC chu hmarchhak bialin hmasawnna chak leh ngelnghet a neih theihnan leh Asia ramte nen inthlunzawmna tha zawk a awm theihnan zirchianga rawtna duang tura din a ni tih a sawi.
Tun thutkhawmah hian sawiho tur rawtna an siam anga, chipchiar zawkin an la sawiho leh dawn tih a sawi.
Task Force hi sawrkar laipui Ministry of DoNER din a ni a, India hmarchhak hmasawnna ruhrel pawimawh thawh tur (objectives) – short term, medium leh long term ruahman a, rawtna siam tura tih a ni.
Member-te chu – DoNER minister Jyotiraditya M Scindia, Meghalaya chief minister Conrad Sangma, Assam chief minister Himanta Biswa Sharma leh Manipur larsap Ajay Kumar Bhalla an ni.
Mizoram chief minister hi chief seretary Khilli Ram Meena, Planning commissioner Vanlaldina Fanai, Planning secretary Lalmalsawma Pachuau leh official dangten an tawiawm a ni.