Highest RIAA-Certified Female Country Artist of All Time – Carrie Underwood

Highest RIAA-Certified Female Country Artist of All Time – Carrie Underwood
Hmanni lawkah Cody Johnson nena an zai dunna “I’m Gonna Love You” chu US-ah maktaduai hralh tlingin, Recording Industry Association of America (RIAA) Platinum certification a dawng a thar a, Carrie Underwood chuan a career-ah mel lung thar a kai leh ta. Country artist hmeichhe zinga RIAA certified sang berah an puang a, US-ah a record maktaduai 95 (albums maktaduai 22.5 leh singles maktaduai 72.5) hralh tawh angin an chhut.
Underwood RIAA certification neih zingah hian 2005-a a debut album ‘Some Heart’ (9x Platinum) leh a hla hit ‘Before He Cheats’ (11x Platinum), ‘Blown Away,’ (5x Platinum), ‘Cowboy Casanova,’ (4x Platinum) leh ‘All-American Girl’ leh “I’m Gonna Love You’ (3x Platinum ve ve) te pawh a tel. 2021-a a album ‘My Gift (Special Edition) leh a Krismas hla ‘Favorite Time of the Year’
te chuan Gold certification an nei ve ve tawh bawk.
RIAA Platinum certification hi US-a album emaw hla emaw maktaduai hralh tlin theih chhinchhiahna a ni a, 9x Platinum a nih chuan US-ah maktaduai 9 hralh tlin theih tihna a ni leh mai a, Gold certification hi chu US-ah album emaw hla emaw 5,00,000 hralh tlin theih chhinchhiah a ni ve thung.
Carrie Underwood he mellung a kai thei hi lawmthu sawiin, “Hetiang lawhtlinna hi suangtuahna ramah pawh ka la chenpui ngai loh a ni. Engkim hi fan-te vang chauh a ni a, an lakah bat ka ngah hle a ni, ka rimawi zinkawng ka zawh tan atangin ka tan an ding a, kum 20 chuang mah ka tan nghet takin an awm hi ka tan malsawmna an ni,” a ti.
Carrie Underwood hian Grammy Awards pariat dawng tawhin, Academy of Country Music Awards 16 a dawng tawh a, American Music Awards 17 leh Country Music Association Awards pasarih a dawng tawh a, a album tlangzarh tawh 10 te chu Billboard 200 (albums) chart top 10-ah an la debut thei vek bawk.