HIV damdawi tha PrEP

HIV taksa a kai tur venna damdawi chu enchhinna neih chinah a tha hle tiin zirchiangtute chuan an sawi a.
England hmun hang hrangah mi 24,000 te hnenah zirchianna neih a nih hnuah damdawi chu tha tawk hle nia ngaih a ni a.
Mi sang tam takin he damdawi PrEP hi sexual health clinic atanga lain an ei tawh a ni.
HIV charity the Terrence Higgins Trust te chuan damdawi hi awlsam zawka lak theiha siam nise an duh a, mi tam tak ten he damdawi hi a awm tih pawh an la hre lo tiin a an tarlang.
UK Health Security Agency (UKHSA) he zirchinna PrEP Impact Trial Chelsea and Westminster Hospital NHS Foundation Trust te nena kalpuitu chuan real-world study an neih len ber a nih thu an sawi a.
England ram chhunga sexual health clinics 157 ah October 2017 atanga July 2020 inkara an kalpui a nih thu a sawi.
Zirchianna neih chuan PrEP, pre-exposure prophylaxis hman chuan HIV kai theihna 86% in a tihniam a, Clinical trial-ah phei chuan 99% effective a ni.
Dr John Saunders, consultant in sexual health and HIV, he zirchianna kalpuina a tel chuan, “Enchhinna atangin PrEP in HIV transmission a dan theihzia a lang,” tiin a sawi.
Terrence Higgins Trust HIV charity te chuan zirchianna thil hmuhchhuah chu lawmawm an tih thu sawiin he damdawi hi mipui nawlpui tena an hmaih loh nan tihlar a ngai a ni an ti bawk a.
Debbie Laycork, heaf of policy chuan, “Community leh mimal PrEP nei thei tur mahse hre lova nei der lo an awmin kan hria a ni,” a ti a. “Hmeichhe tam ber ten PrEP a awm tih pawh an hre lo,” a ti bawk.
PrEP pharmacy leh online-ah te lei mai theiha a awm theih nana hmalakna awm se an ngiat mek bawk a. Dr. Saunders chuan he damdawi clinical trail a hlawhtling tih finfiah a ni tawh a, information pawimawh la ni leh tur chu ei dan tur a ni, a ti bawk a.
“Ni eng zah nge in duh ang a, eng tia rei nge an hman ang tih te hriat a ngai a” a ti a, “Chawh theih turin a him tih kan hre tawh a, tunah chuan mipui nawlpui trna an neih theih nan clinics te nen kan thawkho thei tawh ang” tiin a sawi.
Harry Dodd, PrEP trial a tum tam tel chuan damdawi chuan a tichak tia sawiin tunah chun HIV kai a hlauh tawh loh thu a sawi a.
“HIV kai chungchang kum sawm vel dawn ka ngaihtuahnaah a awm tawh lo va, hahdam thlak tak a ni. Ngaihzawng hun rei tak kawp tawh HIV kai ka nei a, tunah chuan rilru a nuam tawh,” tiin a sawi.
Mahse Dodd chuan PrEP chu mipat hmeichhiatna kaihhnawih a nih tlat avangin leh gay community te nena inzawmna awm a nih avangin mipui ten stigma an nei tlat a ti bawk.
UKSHA chuan he damdawi tha tak hian sorkarin kum 2030-a HIV inkaichhawn tihtawp hman a tumna chu a tihlawhtling thei a, mahse, titur chuan mi tam tak ten he damdawi hi an ei a ngai an ti.
PrEP hian HIV treatment drugs awmsa tenofovir disoproxil leh emtricitabine te keng tel vekin HIV taksa lut tur an lo dang a ni. Ni tina he damdawi hi ei theih a ni a, mipat hmeichhiatna hman hma pawha ei theih a ni bawk.