National Health Mission (NHM) hnuaia thawkte thla hnih hlawh chu hreng khawtlai loa pechhuak thuai turin sawrkar an phut tih Congress Thalai chuan an sawi.
-- Advertisement --
Congress Thalai Hqrs. thuchhuak chuan NHM hnuaia thawkten December 2022 leh kumin January hlawh vawiin thlengin an la la loa, a rang thei ang bera an hlawh pe chhuak turin Mizoram sawrkar a phut tih a sawi.
‘NHM Mizoram hnuaiah hian 4th grade atanga doctor specialist thlengin mi 2200 chuang an thawk mek a, hah pawh sawi thei loin mipui hrisel nan indaihlo tak chungin an duty a. Hetihlaia an thlabi hlawh sawrkarin a batsak reng thin hi vanduaithlak kan ti a. December 2022 & January 2023 thla hlawh atana sawrkar laipuiin a tum ve tur (90:10) chu 2022 December 24 khan Mizoram sawrkarah an rawn pe tawh tih kan hriat phei chuan engti kawng maha chhuanlam siam lo tur leh tikhawtlai loa NHM thawktute hlawh hi pe nghal turin Mizoram sawrkar kan phut a ni,’ a ti.