Hlawhtling ngei tur chu liantham deuha puih inhuam

Bana Kaih policy hnuaiah a hlawhtling ngei tur chu sawrkarin liantham deuha puih a inhuam tih chief minister Lalduhoma chuan a sawi.
Mizoram Veterinary Service Association (MVSA) hruaituten an hmuhnaah chief minister chuan, ran chaw tharchhuah tipung tura hmalakna, bawng chaw chinna tih zauh, khawl hmanga ran chaw siam chhuah mek pawh state danga mi el phaka quality tih san, vaimim, bekang leh mamawh dang chingtute rate tha zawka an thlai leisak tha a tih thu a lo hrilh a. Ruahmanna lo duang a, thehlut rang turin a chah.
Hand Holding leh sawrkar hmalakna dangah a dawngtu tur thlangtu chu official te an ni dawn a. Duhsak bik nei loin a hlawhtling thei tur apiangte thlan tur te an ni, tiin, “A hlawhtling thei ngei turte chu liantham deuh taka tanpui pawh kan inhuam a ni,” Lalduhoma hian a ti.
MVSA hian Chief Minister’s Relief Fund atan cheng nuai khat an chhunglut a ni.