Hlo tur hman dan dik zirtir

Krishi Vigyan Kendra (KVK) Kolasib District chuan Zirtawpni khan pest control operator te tana hlo tur (herbicide) chi khat, Glyphosate hman dan him leh dik zirtirna Kolasib ah a buatsaih.
Sawrkar laipui chuan 2022 October 25 khan glyphosate hmang turten pest contol operator (PCO) te phalna an nei tur a ni, tiin thuchhuah a siam a. Hemi bawhzui hian National Institute of Plant Health Management Hyderabad leh KVK Kolasib tangdun chuan district level-ah training hi an buatsaih a. FOCUS, ATMA leh District Horticulture Office staff-te an tel.
KVK Kolasib senior scientist and head Dr Michelle C Lallawmkimi chuan glyphosate chungchanga hriat tur pawimawh sawi hawngin, hlo tur dose dik lo hmanin mihring tana nghawng tha lo a neih theih dan, ran vulhin a tawrh theih dan leh agro-ecological balance a tihbuai theih dan a sawi a. Master trainer leh resource person, KVK Kolasib subject matter specialist (Plant Protection) Esther Zonunpuii leh SMS (Agronomy) Zohlunpuia ten zirtirna an pe a ni.
Training-ah hian glyphosate chi hrang zinga Mizorama kan hman lar em em, glysel hman dan tur dik, tih tur leh tih loh tur inzirtir a ni a. A taka enchhin niin, training-a kalte hi PCO certificate hlan nghal an ni.