Hluihlawn tawh atanga
thil siamte pho chhuak
Mizoram Pollution Control Board (MPCB) hnuaia Mizoram EIACP Hub buatsaihin Nilaini khan Aizawlah ‘One Day Exhibition on Waste to Wealth’ buatsaih a ni.
Exhibition hawngtu MPCB member secretary C Lalduhawma chuan ram changkang zawkah chuan bawlhhlawh paih mai mai tur an nei vak tawh loa, thildang hmantlak siamna’n an hmang lehzel a, inchhung hnawmhnawk eng chi pawh a tawih thei leh tawih thei lote paih nghal mai loa thildang tangkai zawka hman nawn leh nachang kan hriat a pawimawh a, tun atanga hma kan lak a ngai tih a sawi a ni.
‘Waste to Wealth’ tih thupui hmangin thil hluihlawn tawh paih mai tawh tur ang chi atangin thil tha leh pawimawh zawkte siamin pho chhuah a ni a, mi 71 telin item 100 chuang pho chhuah a ni. Exhibition hi zirlai leh mipui thahnem takin tlawhin environment tichhe lo tur leh humhim turin thu an tiam a ni.
Waste to Wealth Exhibition hi World Environment Day 2023 lawmna chi khat atan leh Mission LiFE chawilarna atana buatsaih a ni a, district dangah pawh kalpui a ni. Inelna hrang hrang siamin June 5-ah hian result puan a ni ang.
Hluihlawn tawh atanga thil siamte pho chhuak
Get real time updates directly on you device, subscribe now.