Hman loha awm plastic chipna khawl hman tum

Govt. Saitual College-a plastic Shredder khawl hman loha awm mek chu hman theih tura ruahman tum a ni.
Saitual Town Sanitation Committee chu an chairman, bawrhsap Dr Lalngura Tlau hoin Thawhtanni khan an thukhawm a.
Independence Day 2024 denchhena faina hapta neih dan tur, Road Protection Squad hmalakna tuaithar dan tur, kum khata tum li tal faina hapta hman, bawlhhlawh tawih thei leh tawih theilo thliar hrang tura hma lak, khawpui chhunga thir hrui hrang hrang inzam hnawk chinfel dan tur bakah Govt. Saitual College-a plastic shredder khawl hman loha awm hman tangkai dan tur an sawi a ni.
Thutkhawmah hian Solid Waste Management Centre hmun atana hmun hnih ruahmansa a awm thu, AMRUT hnuaia khawpui chhunga park pahnih – Saihmar YMA Park leh Keifang Centenary Park cheina atana hmalak mek bakah hmalak zel dan tur sawi a ni bawk.