Zohnuai kawng thawmthat lai tlawh

Vaivakawn – Zohnuaia lei tlahniam avanga harsatna thleng thawmthat tumnaa bawhzui zel dan tur enin Thawhtanni khan Aizawl West-II bialtu MLA, minister Lalnghinglova Hmar bakah minister Prof. Lalnilawma leh deputy govt. chief whip W Chhuanawma te chuan a hmunah an tlawh a. Harsatna tawk chhungkuate nen an inkawm bawk.
Minister Lalnghinglova Hmar chuan chhawmdawl leh thawmthat hna thawhna turin Aizawl District Disaster Management Authority, Public Works Department leh Public Health Engineering department hotute hnenah harsatna thlen a ni tawh tih a sawi.
Vaivakawn khawtlang hruaitute sawi danin, kum 2017-a Hunthar leh Rangvamual inkar kawng min atangin Vaivakawn – Zohnuai kawng hi a tlahniam tan a. Kumin July khan tlahniam zual lehin, vawiin thlengin chhungkaw 35 velin an chenna in an chhuahsan tawh a ni. Vaivakawn Zohnuai kawnga tuiluankawr chu thawmthat thuai a ngai a; Luangmual Chhangurkawn panna kawnga in thenkhat tan pawh a hlauhthawnawm thei bawk tih sawi niin, hemi chungchanga hmalak dan tur ngaihtuahin thutkhawm a ni ang.