Hmangaihna lama vanduai ve tur hrim hrim i ni em

Hmangaihna lamah i vanduai riauin i inhria em? I love life kha han chhut chiang la ngaihzawng i nei fuh lo thei riau lo maw? A tirah han hlim ve viau mahla rilru natna bawkin a tawp leh \hin em? I mi tawn te chu mihrang an ni, mahse, a kalphung erawh a ngai leh tho si \hin a ni lo maw?
Clinical psychologist Varkha Chulani chuan hetianga hmangaihna lamah kal fuh loh laklawh hi awm thei niin a sawi a, “A fuh loh lak lawh tawh chuan a fuh lo reng thei a, chuvangin a kal kawnga fuh lo awm \hin chu kan hmuhchhuaha kan tih tawp a ngai \hin a ni,” a ti.
Eng nge kan tih fuh loh lai chu a chhut chhuah theih niin a sawi a, “Mahni leh mahni inhmuhchhuah chu a harsa a, a fuh lo thei bawk, chuvangin kan \hian \ha te chu kan fuh lohna lai min haichhuah sak turin an \ha ber ang,” a ti.
Hetiang zawhna te hi han inzawt chhin teh le:
Hmangaihna aiin inzah tawnna leh inrintawnna hi pawimawh zawkin i hria em?
I kawppui chu in inthlak thleng tir hlawk thei lo tih i pawm em?
Midang duhdan aiin nangma duhdan i ngaipawimawh ber em?
Eng emaw intihluihna lam chi thil a awm em?
I chhanna chu ‘aw’ tih a nih chuan a ‘aw’ laiah i insiam \hat a ngai tihna a ni.
Hengah te hian hlauhthawn rukna i nei ngai em:
Hmangaih tlak pawh ka ni ve lo?
Min hriatchian chuan min hmangaih thei lovang?
Min \hen leh tho ang?
Hmangaihna hi ka phu ve lo?
Vanduai tur ve hrim hrim ka ni?
Ka hmel\ha tawk lo a ni?
Ka fing tawk lo a ni?
Kan retheih vang a niang?
Ka ninawm a niang?
Zah ka phu ve lo a niang?
I chhanna chu pakhat emaw a aia tamah emaw ‘aw’ tih a nih chuan nangma nihna pawm thiam a, nangmah i hmangaih hmasa tura i inzir phawt a ngai tihna a ni. I ngaihzawng nen i in\hen a nih pawhin, a dang lehnghal thuai suh, thla ruk vel tak ngaihzawng nei lova awm phawt tum ang che.